Liwung di Lembur Kuring 

Liwung di Lembur Kuring

(Tatang Rancabali)

 

Handapeun liuhna méga bodas isuk-isuk

Masih kénéh ngarimunan ruyuk

Liuh linduh pinuh rarambu ngagapuy

Remetna areuy gemet ayang-ayangan

 

Pating arendat jalan satapak

Ngagurat ngembat tapak liwat cileuncang

Nembrakkeun jalan tarahal

Rampakna taringgul barangkal

 

Langit bébas nembrakkeun kiprahna

Méga diulinkeun hiliwirna angin rumangsang beurang

Nyingraykeun pepedut isuk

Méga ngérab handapeun panonpoé meleték

 

Pikir gilig hayang pelesir

Mapay-mapay hiliwirna angin

Rénghap béakeun wirahma

Srog kahareupeun portal wisata

Pok maranéhna nyarita “sawahon sakitu waragadna”

 

Rancaupas Rancabali, 26-12-2024:07.56