Kuring jeung Kurung
Kuring jeung Kurung
(Tatang Rancabali)
Hirup hurip kuring ku cai
Jagjag belejag waringkas ku siki
Rumasa jasad saukur jungkiring
Jati diri kacingcirihi lain abdi
Kurup nyukupna umur ku élmu batur
Sumurup ngarungkup wujud
Reup geuneuk pameunteu rumeuk
Luak lieuk ngaléok teu pageuh paseuk
Kuring ukur ngahariring
Kapahung ku Humarurung
Anteb leleb nanceb mantep
Antep karep sumerep nyelecep
Hung Ahung neda kanu maha Agung
Neda pitulung nu luhung
Mugia hurung nangtung
Sumurup ngabaju ngarungkup kurung
Hotel Sutan Raja Soréang, 06-02-2025:11.20
