Kabagjaan aya dina Babagi Kahadèan

Kabagjaan aya dina Babagi Kahadèan

Ku Dedeng

Hadits dari sahabat Uqbah bin ‘Amr bin Tsa’labah radhiallahu’anhu, bahwa Rasulullah Shallallahu’alaihi Wasallam bersabda:

من دَلَّ على خيرٍ فله مثلُ أجرِ فاعلِه

“Barangsiapa yang menunjuki kepada kebaikan maka dia akan mendapatkan pahala seperti pahala orang yang mengerjakannya” (HR. Muslim no. 1893).

Hadits ieu saè dianggo ‘motto’ dina kahirupan pikeun sumanget dina babagi dina kahadèan.

Umajak kanggo kasaèan tèh salian ti motivasi kanggo kènging pahala anu sami sareng pahala anu midamel sabadana, sabari teu ngirangan pahalana tèh, midamel kasaèn sumber kabagjaan dina jumenengna jalmi. Janten sumirat bagja tèh nalika dipidamelna kahadèan.

Kaitan anu mageuhan dina _man dalla ‘ala khairin_ tèh nyaèta _ibda binafsika_ hartosna kedah tiasa ngètang diri, anu antukna naon anu badè diumajakeun tèh mangka kapidamel tipayun ku diri nyalira.

Dina umajak tèh teu wungkul ku caritaan deuih, dina hiji waktosna mah nyaèta ku maparin tuangeun ka anu muskin, malih saupami nuju suwung nyalira mah nyaèta umajak ka anu sanèsna anu kagungan pikeun maparinana (QS. Al Ma’un).

Dina paribasa mah, 

“Taktak moal pernah ngaluhuran sirah”.

Dina basa sèjènna mah pangalaman moal kaèlèhkeun kusabab apan ‘Pengalaman adalah guru yang terbaik’ ogè ari kolot mah geus pernah ngora sedengkeun anu ngora mah can tangtu bisa tepi ka ka kolot, unggah umur tunggang gunung.

Peupeujeuh ti sepuh ku pangalamana tèh sok disebatkeuna èlmu linuhung.

Malih sok disamaraan ku basa ‘asam garam kehidupan’ tos karandapan.

Anu kacida pisan utamina nampi piwuruk ti anu tos sepuh.

Utami pisan ti sepuh urang sadayanana, Indung anu ngandung, Bapa anu ngayuga, dugika aya paribasa, mun munjung ulah ka gunung, mun muja ulah ka sagara, namung prung geura pupunjung anu jadi indung sarta bral geura pupuja anu jadi bapa, sabab indung tunggul rahayu bapa tangkal darajat.(*)