Janari Kaasih
Janari Kaasih
(Tatang Rancabali)
Cimeuting teu cicing kasilih reumis mapanting
Tiis teu bisa ningtrimkeun diri
Peuting ngalindih janari
Anjeun tetep kapiati
Gura giru muru dapur
Mirun seuneu di hawu
Suluh baseuh wuwuh ngebul
Nyambuangkeun haseup kadeudeuh
Ngarumat géroheun nu nambru
Pancuran kasilih keran
Caina remen nyakclakan
Cigah rambisak nu masak
Anjeun pakepuk ku rusuh
Rebun-rebun dirimunan ci ibun
Dipirig reumis nu prus pris
Anjeun dareuda bari ngalengis
Kadeudeuh maneuh dipatri asih janari
Awana Resort Rancabali, 11-12-2024:05.43