Babasan Jeung Paribasa

Kecap babasan jeung paribasa mangrupakeun conto nyata kabeungharan kecap basa Sunda. Babasaan biasana dipake pikeun ngagambarkeun kalakuan, perasaan, sifat, atawa kaayaan sapopoe hususna urang Sunda. Babasan mangrupakeun ucapan anu ngutamakeun kana harti konotasi atawa harti injeuman, lain harti anu sabenerna. Dina basa Sunda babasan geus aya patokanana (pakeman), anu geus puguh entep seureuhna nyaeta dipake keur babandingan sipat hiji barang atawa sipat kaayaan, lolobana sok ngagambarkeun pasipatan jalma. Conto : Gede hulu, hartina adigung. Didago-dago tilewo hartina anu didagoan teu daek datang. Hambur bacot, murah congcot hartina babari nyarekan tapi berehan. Heueuh-heueuh bueuk, nyebut heueuh tapi teu jeung hate, oge wawuh munding hartina wawuh meueusan bari teu nyaho saha ngaranna

Kecap-kecap babasan teu bisa dikurangan atawa ditambahan ungkara atawa kekecapanana, komo dilemeskeun atawa ditarjamaahkeun kana Bahasa Indonesia bisa jadi robah harti. Didago-dago tilewo jadi diantosan tilewo atawa ditunggu dari lewo, maenya wawuh munding jadi kenal sareng munding, oge heueuh-heueuh bueuk di-Indonesiakeun jadi iyah-iyah burung hantu
Paribasa
Paribasa masih keneh kaasup basa pakeman.

 

Paribasa sok ngaupamakeun anu ngutamakeun kana kalakuan hade jeung nyaram kalakuan goreng atawa patoja’iah, paribasa oge eusina teu jauh nasehat keur kahirupan jalma. Conto: Piit ngeundeuk-ngeundeuk pasir hartina mikahayang anu teu sababad jeung manehna. Jati kasilh ku junti hartina pribumi kaelehkeun ku semah atawa bangsa asing. Dijieun hulu teu nyanggut, dijieun buntut teu ngepot hartina teu beunang dijeujeuhkeun

Paribasa oge sarua jeung babasan teu bisa dirobah ungkara atawa kekecapanana kitu deui teu bisa ditarjamaahkeun kana Bahasa Indonesia saperti piit ngeundeuk-ngeundeuk pasir maenya jadi burung pipit menggoyang-goyang bukit, paling aya babandinganana conto kacang poho ka lanjaran, sarua jeung kacang lupa akan kulitnya sumber 1000 babasan jeung paribasa Sunda, sumber sejenna google*** Abah Wandy