Sajak-sajak Imam Mutaqin (Guru di SMPN 1 Arjasari)
Lalakon
Teuing geus nepi mana ieu lalampahan
Ngagulang gaper lalakon nu tuluy nyemprung
Minangka saha kuring dina ieu carita
Da geuning mindeng malih warni
Sri Rama jeung Dasamuka silih ganti
Ngabaju dina diri
Lebakwangi, 21 Maret 2019
Hamo Mulang
Geus jauh lengkah teh
Ulah digentraan deui
Da kuring hamo malik
Teu wasa mulang
Palias nyorang
Panonpoe geus sumorot
Mapag diri nu boborot
Lamokot ku kokotor
Lebakwangi, 21 Maret 2019