Lalakon Hirup

Bismillah…

LALAKON HIRUP

Ku Ahmad Sugri

Teu karasa tos 3 taun eureun gawe di Nagara.
Unggal bulan nyokot sisimpenan teh di Bank Mantap Soreang.
Alhamdulillah di Bank Mantap mah nyalse teu pati ngantri, karyawan tur karyawatina ge raramah pikagenaheun malah sok nyayagikeun cemilan alakadarna pikeun para nasabah.

Ku bageur bageurna unggal bulan sok nawaran injeuman bari tara poho maparinan brosur, cenah supaya gampang upama butuh duit keur nyumponan bubutuh kari nelpon ka nomor nu aya dina eta brosur, malahan sok aya oge nu nga WhatsApp nawaran injeuman nyebutkeun meungpeung keur promo suku bunga, matak kabongroy mun teu mikir pikahareupeun mah.

Majar teh mun boga hutang teu kudu hariwang da upama maot mah lunas moal ngahesekeun ahli waris sabab dijamin ku Asuransi, bener pisan keur ahli waris mah moal riweuh kudu mangmayarkeun hutang si mayit, tapi naha keur si mayit bakal bebas tina patakonan malaikat jaga.

Jeung kudu diingetkeun unggal injeuman nu aya leuwihan teh hukumnya riba, sakumaha pidawuh Rosululloh Shollallahu ‘Alaihi Wasallam :
«كُلُّ قَرْضٍ جَرَّ مَنْفَعَةً, فَهُوَ رِبًا»

“Unggal injeuman nu ngadatangkeun mangfaat (pikeun nu nginjeumkeuna) nu kitu teh riba”

Dina hadits sanes diuningakeun ;

عَنْ جَابِرٍ قَالَ لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ آكِلَ الرِّبَا وَمُوكِلَهُ وَكَاتِبَهُ وَشَاهِدَيْهِ وَقَالَ هُمْ سَوَاءٌ.

Ti Jabir Rodhiyallahu anhu , anjeun sasauran, “ Rosûlulloh Shollallohu ‘alaihi wa sallam ngala’nat nu ngadahar riba, nu merena, nu nulisna jeung dua saksina”, sarta anjeuna Shollallohu ‘alaihi wa sallam sasauran “Maranehanana sarua.”
(HR. Muslim, no. 4177)

Cag heula …!!

Mudah-mudahan menjadi ibroh dan tadzkiroh, juga bermanfaat demi kehidupan